6٬010 المشاهدات
اللحمة الباردة من الأكلات الشهية والمحببة جدا في العزومات
مقادير اللحمة الباردة:
- عرق لحمة تربينكو
- زعتر
- حبهان بودرة
- فصوص ثوم سليمة
- فلفل مطحون
- فصوص فلفل حصا
- ملح
للبوكية جارنية :
- جزر شرائح
- كرفس
- بصل مكعبات
- ثوم سليم
- ورق لورا
- طماطم مكعبات
- 2 كوب مية مغلية
طريقة اللحمة الباردة:
- العرق طبعا بيكون مربوط عند الجزار لومش مربوط اربطيه بطريقة طولية
- هاتي سكينة رفيعة واعملي فتحات صغيرة وحضري معاكي فلفل حصا وشوية ملح قلبيهم مع بعض حطي في كل فتحة فصين من الفلفل الحصى والملح وزقيهم لجوة بفص ثوم اعملي الفتحات دي في كل العرق من كل الجهات .
- بعد ما تخلصي تبلي العرق بملح وفلفل والزعتر والحبهان وادعكية كويس اوي وسبية يتبل نص ساعة او اكتر
- صنية علي النار سخنة اوي نزلي فيها شوية زيت صغيرين ونزلي العرق ياخد لون من كل الجوانب .
- بعد ما ياخد لون من كل الجهات نزليله كل مكونات البوكية جارنية والمية المغلية لازم تكون لنص العرق وحطي رشة سكر وظبطي الملح
- غطي بورق الومنيوم لان لازم يكون محكوم كويس اوي وغطي بالغطا بعد ساعة افتحي واقلبيها علي الناحية التانية واقفلي نفس القفلة و وسبيها ساعة كمان علي نار هتكون استوت وبقت زي الفل
- سبية يبرد خالص كيسيه ودخليه التلاجة لتاني يوم وقدميه جمب طبق شعرية او رز حسب الرغبة .
