7٬226 المشاهدات
الجاتوه شاتوه هو نوع من الكيك المناسب جدا للحفلات
مقادير الجاتوه شاتوه:
- كوب دقيق منخول
- كوب زيت
- كوب لبن ساخن
- كوب سكر
- نصف كوب كاكاو خام محلي اسباني منخول كويس
- معلقة كبيرة بيكينج بودر أو باكو
- رشة ملح
- 2 بيضة
- معلقة صغيرة فانيليا السائلة أو البودر
الحشو
- كوب كريم شاتي خام
- كوب لبن مثلج
- نصف كوب سكر بودرة منخول
- 2 معلقة كبيرة كاكاو خام منخول أو معلقة كبيرة من الصوص
لتسقية الكيك:
- نصف كوب لبن
- معلقة كبيرة سكر بودرة
- معلقة كبيرة كاكاو خام
طريقة تحضير الجاتوه شاتوه:
- داخل الكبة نضع السكر و2/3 اللبن الساخن يكون ونسيب التلت هنحتاجه بعدين
- نخلط السكر واللبن الساخن جيدا لغاية ما السكر يدوب تماما ثم نضيف الكاكاو ونراعي إن الكاكاو يكون نوعه حلو عشان يعطيكي الطعم الحلو ونخلط الجميع مرة تانية كويس.
- وبعدين ابتدي اضيف الزيت شوي بشوية لغاية ما يختلطوا كويس اوي والزيت كميته تخلص بنلاحظ ان القوام تقيل ولمعته حلوة.
- اخد من الخليط الجميل دا كوباية واحطها في التلاجة.
باقي الخليط
- واضيف على باقي الخليط باقي اللبن والبيض والفانيليا ورشة الملح واخلطهم مع بعض كويس اوى حوالي تلات أربع دقايق
- وكدا عملنا الخليط السائل نضعه في بولة.
- فى بوله تانية نضيف البيكنج بودرعلي الدقيق وننخلهم أكثر من مرة للحصول على نتيجة أفضل
- وابتدي اضيفهم على الخليط السائل واقلبهم كويس مع بعض.
- نقوم بدهن قالب مستطيل مقاس 26 بالسمن وأبطنة دقيق القالب لو بيركس نزليه على صنيه الومنيوم او استخدام صينية الومنيوم للخبز من البداية.
- نضع الخليط في القالب ونقوم بإدخاله فرن ساخن على 180 على الرف الأوسط لمدة 30 دقيقة بالضبط لغاية لما تستوي وأخرجها واقلبها على شبكة واسبها تبرد خالص
- يلا بقي نعمل الكريمة للحشو في بوله نضيف الكريمة والسكر واللبن ونخلط المكونات لغاية ما الكريمة تتماسك أضيف معلقة من الصوص أو معلقتين كاكاو ونخلطهم مع بعض لغاية لما نوصل للون اللي إحنا عايزينه نحطها في الثلاجة.
- اخلط مكونات التسقية مع يعض كويس (نصف كوب لبن – معلقة كبيرة سكر بودرة – معلقة كبيرة كاكاو خام)
- بعد ما الكيكة بردت خالص ابتدي اقسمها اثنين ويفضل استخدام سكينة مشرشره عشان تقدري تقطعي الكيك بسهولة.
- اخد النص السفلي من الكيكة وابتدي اسقي الكيك من شراب التسقية عشان تكون طرية
- أول ما تشرب افرد الكريمة علي طبقة من الكيكة وأساوي سطح الكريمة.
- ممكن أضيف مكسرات أو شوكليت شيبس أو فاكهة وبعدين انزل عليها النص الثاني من الكيكة وابتدي أسقيها وعشان الجزء دا بيكون املس لأنه سطح الكيكة بخرمها بخلة أسنان عشان تشرب من شراب التسقية كويس.
- ابتدي افرد الصوص اللي شلناه في الثلاجة من الخليط وأشيل كل الأطراف من الكيكة عشان أساويها وتبقي مستطيل منتظم.
- اقطعها علي شكل مستطيلات زي الجاتوه بالحجم اللي انتي عوزاه المهم امسح السكينة بين كل قطعة بتقطعي فيها والأفضل تكون نزلة في مية سخنة وازين حسب الرغبة وأقدم.
- الكيك اللي طلع من الجوانب اللي قطعناها ممكن ننزلها في كاسات وعليها كريمة ومكسرات أو شوكولاتة مبشورة وكريز.
