البسبوسة بطريقة فاطمه ابو حاتي

4٬430 المشاهدات
البسبوسة الطرية اللذيذة
البسبوسه لفاطمه ابو حاتي

البسبوسة من اشهر الحلويات الشرقىة واطعمها يلا بينا نشوف مقاديرها

مقادير البسبوسة :

  • نصف كيلو دقيق سمولينا 
  • كوب لبن افيء 
  • كوب سمنة دافية ع زيت 
  • 2 معلقة كبيرة عسل نحل 
  • نصف كوب سكر 
  • 4 معلقة كبيرة جوز هند 
  • 2معلقة كبيرة لبن بودر 
  • معلقة صغيرة 
  • بيكينج بودر 
  • ذرة ملح 

مقادير سيرب البسبوسة:

  • 2 كوب سكر 
  • 2 كوب ماء 
  • معلقة كبيرة سمنة 

طريقة عمل البسبوسة:

  1. في بولة اضيف السمولينا واللبن والبيكينج بودر والملح وجوز الهند واقلبهم كويس مع بعض. 
  2. هاتي كوباية السمنة على زيت نزليهم على المكونات اللي في البولة وبسي كل الدقيق بالسمنة والزيت كويس جدا دي أهم نقطة . 
  3. وبعدين نضيف العسل على اللبن وقلبيهم حلو اوي ونزليه على الخليط. 
  4. قلبي براحة تخلطيهم بس التقليب الكتيروالعجن بينشفها اللبن يختلط بس. 
  5. ادهني صنية مقاس 30 بسمنة حلو أو بطحينة بطنيها كويس ونزلي الخليط وساوي وشها وزعي على الوش اي مكسرات عندك. 
  6. دخليها فرن سخن على 180 لازم يكون سخن اوي وحطيها علي الشبكة ولو الشواية بتشتغل شغليها ع الهادي وسبيها تستوي لو مش بتتفتح سبيها تاخد لون من الاطراف ونزليها ع الارضية وولعي ليها الشواية على الهادي وسبيها تاخد لون قبل طلوعها ب5 دقايق . 
  7. اعملي الشربات في حلة نزلي السكر وشوية من المية صغيرين وكرمليهم خلي لونهم دهبي قلبي بتحريك الحلة مش بمعلقة اول لما يلون نزلي المية وحدة وحدة وقلبيهم فكيهم مع بعض غلوتين ونزلي السمنة. 
  8. واول لما تخرج البسبوسة سخنة والشربات سخن وزعيه عليها وعلى الاطراف بالاخص وغطيها ودخليها الفرن بعد ما تطفي النار وسبيها ربع ساعة وابتدي قدميها ودوقي أحلى بسبوسة.
البسبوسة المظبوطة جدا

طريقة: كيك الشيكولاتة

osratyteam

فريق اسرتي جنتي هو فريق طبي متكامل له خبرات في المجال الطبي والبحث والترجمة ونتطلع دائماَ لكتابة كل جديد لك سيدتي