كيك الشيكولاتة بالبودينج الشيف مروة الشافعي

4٬936 المشاهدات
كيك الشيكولاتة بالبودينج الشيف مروة الشافعي

كيك الشيكولاتة بالبودينج كيكة جميلة وطريقة جديدة لتقديم كيك الشيكولاتة وكمان مفيش اسهل من كدا

مقادير كيك الشيكولاتة بالبودينج:

  • 4 بيضات
  • معلقة صغيرة فانيليا
  • كوب سكر بودرة منخول
  • كوب زيت
  • كوب لبن
  • 2 معلقة كبيرة كاكاو خام
  • 2 كوب دقيق
  • معلقة كبيرة بيكينج بودر
  • رشة ملح

للبودينج:

  • 2 معلقة كبيرة نشا
  • 2 معلقة كبيرة دقيق
  • كوب سكر
  • رشة فانيليا بودرة
  • لتر لبن

طريقة كيك الشيكولاتة بالبودينج:

  • في بولة أنزل بالبيض والفانيليا والسكر وأخفقهم مع بعض لغاية لما يفتح اللون معايا ويصبح لونهم أبيض.
  • انزل بالزيت واللبن وأخلطهم كويس مع بعض
  • في بولة أضيف علي الدقيق والملح والبيكينج بودر والكاكاو وأنخلهم كويس وأضفهم على الخليط السائل وأخلطهم لغاية لما يبقى جاهز.
  • أختار صنية سمكها رفيع يفضل تكون مستطيلة ونضع فيها ورقة زبدة وندهنها بالزبدة
  • أنزل بالخليط بتاعي في الصينية وأساوي السطح وأدخلها فرن سخن على 180 على الشبكة لغاية ماتستوي اطلعها تهدا خالص
  • وابتدي ببلبلة بلح الشام او اي بلبة واعمل فتحات دائرية بانتظام بجانب بعض على قد ما تقدري تكون المسافات متساوية.
تقطيع الكيكة

اللي طلع من من الكيكة هركنه على جنب هحتاجه للتزيين.

طريقة البودينج

  • للبودينج حلة أحط عليها مصفى أنزل باالنشا والدقيق أنخلهم كوبس وبعدين أنزل عليهم بالسكر واللبن والفانيليا وأقلبهم مع بعض ع البارد
  • ارفعهم على النار لغاية ما الخليط يغلي ويتقل
  • ابتدي انزل البودينج في الفتحات اللي عملتها في الكيكة بتاعتي وانزل باقي البودينج اللي يفضل على سطح الكيكة من فوق واساوية
  • الكيكة اللي طلعت من الفتحات فاكراها أنزلها في كيس وافتفتها صغير واوزعها علي الوش
  • أحط الكيكة في التلاجة متغطية تسقع وأطلعها أقطعها وأزينها بأي فاكهة وأقدمها.
الذ واسهل كيك شيكولاتة

osratyteam

فريق اسرتي جنتي هو فريق طبي متكامل له خبرات في المجال الطبي والبحث والترجمة ونتطلع دائماَ لكتابة كل جديد لك سيدتي