وصفة سينابون بطريقة فاطمة ابو حاتي وصفة مظبوطة ونتيجيتها توووووحفة

المقادير لوصفة السينابون:

العجينة :

• 3 كوب دقيق 
• 3 معلقة كبيرة لبن بودر 
• 3 معلقة كبيرة مايونيز
• 3 معلقة كبيرة زبادي
• 3 معلقة صغيرة سكر 
• 3 معلقة صغيرة خميرة 
• معلقة ونصف صغيرة بيكينج بودر 
• ربع كوب ماء دافيء 
• رشة ملح

الحشو :

• 3 معلقة كبيرة زبدة سايحة بدرجة حرارة المطبخ
• نصف كوب سكر بني أو 2 معلقة كبيرة سكر أبيض ومعلقة كبيرة عسل أسود
• 2 معلقة كبيرة قرفة بودر 

الصوص :

• 3 مكعب جبنة كيري 
• كوب سكر بودرة 
• كوب لبن بودر
• 3 كوب ماء دافيء 
• 3 معلقة كبيرة زبدة سايحة

الطريقة بالتفصيل لوصفة السينابون:

1. المية الدافية أنزل الخميرة والسكر فيها وده تيست للخميرة عشان أشوف شغالة أو لا أقلبهم وأسبهم على جمب يخمروا ويفوروا .
2. في بولة نضيفة أضيف الدقيق واللبن والملح والبيكينج بودر وأقلبهم مع بعض كويس.
3. أنزل بالخميرة بعد ما فارت في البولة وبعدين أضيف الزبادي والمايونيز وأعجنهم مع بعض لازم العجينة تكون طرية جدا وارش رشة دقيق وأعجنها كويس أوي لغاية ما تنعم مش أقل من 10دقايق كل ما تعجينيها أكتر تكون النتيجة أحسن.
4. أسيب العجينة تخمر في مكان دافي بعد ماغطتها كويس.
5. بعد ما خمرت أفردها على رشة دقيق بسمك نص سنتم وأدهنها بالزبدة وأرشها بالسكر البني والقرفة أو أخلط السكر بالعسل وأتعامل معاهم بنفس طريقة السكر البني وابتدي الف العجينة رول بالعرض .
6. قطعيها ورصيها علي الصنية بحيث يكون لفات الرول لفوق وأضغطيها ضغطة بسيطة من فوق.
7. وأسبها تخمر تاني وأدخلها فرن سخن على 200 لغاية ما تستوي وتاخد لون.
8. اجهز الصوص على ما تطلع من الفرن أخلط كل مكونات الصوص مع بعض في الخلاط وأول ما يخرج  السنابون وهو سخن انزل بالصوص علي السينابون وبالهنا والشفا.

طريقة: عمل البسبوسه فاطمه ابو حاتي