الكوكيز شيبس الخطيرررة بطريقة ايه حبيب الوصفة مكتوبة

8٬762 المشاهدات
الكوكيز المظبوطة
كوكيز الشيكولاتة
سناكس حلو
الكوكيز الطرية ايه حبيب

الكوكيز شيبس من السناكس الجميلة جدا وتنفع كمان كفطار او عشا والاطفال بيعشقوها

ومن الوصفات السهلة اللي ممكن الاطفال يشتركوا معاكي في صنعها

مكونات الكوكيز شيبس

  • نصف كوب زبدة في درجة حرارة الغرفة
  • نصف كوب (١٠٠ غرام) سكر بني ثلث كوب (٦٩ غرام) سكر أبيض لو مفيش بني ممكن كله ابيض عادي
  • بيضة كبيرة في درجة حرارة الغرفة
  • ملعقة صغيرة فانيليا
  • كوب وربع (١٨٥ جرام) دقيق
  • ملعقة كبيرة (٧.٥ جرام) نشا الذرة
  • نصف ملعقة (٢.٥ جرام) بيكنج باودر
  • نصف ملعقة ملح
  • كوب ونصف (٢٦٢ جرام) قطع شوكولاتة
  • كوب مكسرات محمص ( اختياري)

الطريقة

  • نضع الزبدة مع السكر في العجانة او ممكن بالبلندر او باليد مفيش مشكلة
  • لو مفيش سكر بني ممكن نضيف معلقة عسل اسود على السكر العادي او نستخدم كله سكر ابيض ميزة السكر البني بيديها لون حلو زي بتاعت المحلات
  • بعد ما نضرب الزبدة والسكر كويس جداً هنضيف البيضة ونكمل خفق
  • هنضيف بعد كدا الدقيق والنشا ميزة النشا بتساعد انها تفضل طرية ومتماسكة
  • نضيف البيكينج بودر والملح والفانيليا
  • نضيف المكسرات لو متوفرة مش متوفرة هنضيف الشيكولاتة الشيبس لو مش موجودة هنستخدم شيكولاته بار ونقطعها قطع صغيرة بس الأفضل الشيبس
  • نخلي شوية من الشيكولاتة عشان نزين وش الكوكيز
  • نخلط كل المكونات كويس مع بعض
  • نجيب معلقة الايس كريم ونعمل بيها كورعشان تطلع كلها نفس الحجم بعد ما نقطعها كلها نزيين الوش بحبيبات الشيكولاته
  • لازم ندخلها التلاجة نص ساعة او الفريزر عشان تفضل محتفظة بشكلها ومتفرش وتبوظ
  • ممكن نعمل كمية ونسيبها في الفريزر ونطلع على التسوية على قد احتياجنا بحيث تفضل فرش
  • نسخن الفرن علي160 درجة هتقعد حوالي 15 -20 دقيقة
  • ممكن تبقي لسة طرية من النص متقلقيش اول لما تهدى هتبقي تمام
  • ودوقي احلى كوكيز

osratyteam

فريق اسرتي جنتي هو فريق طبي متكامل له خبرات في المجال الطبي والبحث والترجمة ونتطلع دائماَ لكتابة كل جديد لك سيدتي