6٬811 المشاهدات
لو انتي محتارة وعايزة حاجة حلوة تنفع في مناسبة وكمان سهلة ونتيجة مضمونة جربي الوصفة دي كيك الشوكولاته بالمالتيزر
مقادير كيك الشكولاته بالمالتيزر
- كوبين الا ربع دقيق
- كوب الا ربع بودرة كاكاو
- كوب سكر
- معلقه صغيره ونص بيكنج باودر
- معلقه صغيره ونص بيكنج صودا (كربوناته)
- رشة ملح
- بيضه
- كوب حليب
- نص كوب زيت نباتي
- معلقة ونص فانيليا سايله
- كوب ماء مغلي ونسيبه يهدا شويه
طريقة تحضير كيك الشوكولاته
- نسخن الفرن على درجة حراره 180.
- في طبق كبير نحط الدقيق والكاكاو والسكر والملح والبيكنج باودر والبيكنج صودا ونخلطهم مع بعض.
- في طبق تاني نخفق البيض والحليب والزيت والفانيليا بإستخدام المضرب الكهربائي لمدة دقيقتين.
- نضيف الماء المغلي ونقلب بمعلقه خشب.
- نضيف خليط الدقيق ونخفق لحد ما المكونات تتجانس.
- نصب خليط الكيك في صينيه مدهونه بالزبده ورشة دقيق
- ندخل الصينيه الفرن لمدة 40 دقيقه.
- نخلي الكيك يبرد لمدة 10 دقايق ونقسمه نصين ونحشيه ونزينه بكريمة الشوكولاته والمالتيزر حسب الرغبه.
-
كريمة الشوكولاته لتزيين كيك الشوكلاته
المكونات
- 6 معالق زبده طريه
- كوبين وثلث سكر بودره
- كوب الا ربع بودرة كاكاو
- ثلث كوب حليب
- معلقتين فانيليا سايله
- رشة ملح طريقة التحضير
الطريقة
- بإستخدام المضرب الكهربائي هنضرب الزبده على سرعه متوسطه لحد ما تبقا كريمي.
- نضيف السكر البودره والكاكاو ونخلط لحد ما المكونات تتجانس.
- نقلل السرعه ونضيف الفانيليا والملح ونخفق لحد ما الكريمه تتماسك
- وممكن نستخدمها فوراً لتزيين الكيك أو نحفظها في التلاجه في برطمان محكم الغلق لحين الاستخدام
