طريقة الدوناتس في البيت بطريقة ايه حبيب احلي مليون مره من الجاهز الوصفة مكتوبة

5٬000 المشاهدات
دوناتس سهلة 
دوناتس شيكولاتة
دوناتس لذيذة
الدوناتس الهشة الخطيرة

الدوناتس اصلها هولاندي وكان يتم صنعها في المناسبات والاعياد وبعد ذلك انتقلت الي امريكا عبر البحارة الهولنديين

تعتبر الدونات من الحلويات ذات القيمة الغذائية العالية

كما تعتبر وجبة مثالية للأطفال وخصوصاً على الإفطار

ولكن يجب تجنبها من قبل الأشخاص الذين يعانون من السمنة، والسكري، ومن يتبعون برامج حميات غذائية

مكونات الدوناتس

  • 5 كوب دقيق
  • بيضتين بدرجة حرارة الغرفه
  • نصف كوب زبده بدرجة حرارة الغرفه
  • كوب وربع حليب دافي
  • معلقه كبيره خميره
  • معلقه صغيره بيكنج بودر
  • معلقه صغيره فانيليا
  • 2 معلقه كبيره سكر
  • رشة ملح

طريقة التحضير

  1. نضع الخميره مع معلقتين السكر في ربع كوب من الحليب ونتركها خمس دقائق حتى نرى فقاقيع الهواء وتعلو وتملى الكوب لنتأكد من صلاحية الخميرة
  2. نضع الخميرة مع باقي المكونات في طبق كبير ونخلط هم مع بعض كويس بحيث مايبقاش فيه كلاكيع
  3. نعجنهم كويس جداً لمدة 10-15 دقيقه كل ما نعجن كةيس كل ما النتيجة تبقى احسن لحد ماالعجينه تبقا في ايدينا لينه ومش بتلزق في الايد ونعرف نلمها .
  4. نعملها زي كورة كدا ونحطها في طبق في مكان دافي
  5. نغطي العجينه بكيس نايلون ونسيبيها تخمر لمدة ساعه بالظبط لا اكتر ولا اقل.
  6. نفرد العجينه بالنشابه على رخامه مرشوشه بشوية دقيق بسيط ما نزودش دقيق كتيير عشان ما تبوظش مننا
  7. ارتفاع العجينة سمكها حوالي واحد سم
  8. ونبدأ نقطعها بقطاعة الدوناتس لومفيش ممكن بكوباية أو اي حاجة مدوره
  9. ونسيبها ترتاح لمدة نص ساعه ودا مهم جداً لازم تخمر تاني وياريت نحطها على ورق زبدة عشان لما نيجي نشيلها ونحطها في الطاسة تفضل محتفظة بشكلها ومتبوظش مننا
  10. نقليها في زيت سخن بس مش اوي يعني متوسطة الحرارة بحيث لازم واحنا بنحطها تشوفي فقاقيع حواليها لحد ما لونها يصفر
  11. كل وش بياخد اقل من دقيقه ما نخلهاش تقعد كتيير فلونها يغمق مننا
  12. ظهور خط ابيض بين الطبقتين يعني كدا دوناتس مثالية
  13. نصفيها من الزيت على مناديل مطبخ ورقيه ونسيبها تبرد ونزينها بالسكر البودره او الايسينج أو الشوكولاته المذابه وبالهنا والشفا.
  14. ممكن نرصها فى صينيه مدهونه بشوية زيت وندخلها الفرن على درجة حرارة متوسطه مع تقليبها لحد ما لونها يبقى ذهبي.-

osratyteam

فريق اسرتي جنتي هو فريق طبي متكامل له خبرات في المجال الطبي والبحث والترجمة ونتطلع دائماَ لكتابة كل جديد لك سيدتي