12٬115 المشاهدات
من انجح واحسن وصفات السينابون هي وصفة ايه حبيب بجد فوق الرائعة وبجد السينابون بيكون طري وهش والوصفة مظبوطة بالميللي بس تلتزمي بالخطوات و المقادير اللي مكتوبة هيطلع مظبوط معاكي
المكونات السينابون
معجون الدقيق:
- نص كوب ماء (120مللي)
- 3 ملاعق كبار دقيق (25جرام)
خليط الخميرة:
- 60 ملل ماء دافئ
- 1 معلقة صغيرة سكر
- 1 معلقة كبيرة خميرة جافة (9جرام)
العجينة:
- نص كوب لبن خاثر (رايب)/لبن عادي (120مللي) وعليه عصرة نص لمونة
- 2 بيضة
- ربع كوب سكر (50جرام)
- تلت كوب زبدة (75جرام)
- 4 كوب وربع دقيق (450جرام)
الحشوة:
- 3 ملاعق كبار زبدة بدرجة حرارة الغرفة
- 1 كوب سكر بني او سكر عادي
- 1 معلقة كبيرة ونص قرفة
- 1 معلقة كبيرة كاكاو خام
- 1 معلقة كبيرة ونصف نشا الذرة
الطبقة البيضاء:
- 1 كوب سكر بودرة (115جرام)
- ربع كوب جبن كريمي بدرجة حرارة الغرفة (60جرام)
- ربع كوب زبدة بدرجة حرارة الغرفة (60جرام)
- نص معلقة صغيرة فانيليا
الخطوات عمل السينابون
1- لعمل معجون الدقيق
- نمزج الدقيق والماء حتى يذوب الدقيق في الماء ونحطة في المايكرويف ٣٠ ثانية أو نضعه على نار هادية ونقلب هيعمل كتلة كدا ويتحول لونه من لون ابيض الى لون مصفر سنة نوقف ونشيله من ع النار ونسيبه يبرد دا بيزود من طراوة السنابون وبيخليه هش أكتر
طريقة خليط الخميرة
- نحط السكر على الخميرة في الماء الدافيء ونقلب ونسيبهم لحد ما يبقى زي رغوة كدا على الوجه عشان نتأكد ان الخميرة سليمة (شغالة)
طريقة عمل حشوة السينابون
- نحط السكر البني لو مش موجود نستخدم سكر عادي والقرفة والكاكاو والنشا مع بعضهم النشا بيساعد على تماسك الحشوة والعجينة مع بعضهم
طريقة عمل عجينة السينابون
- هنحط المكونات الجافة كلها على بعضها ونخلطهم كويس ونضيف عليهم البيض وخليط الخميرة اللي عملناه والزبدة تكون سايحة بس مش سخنة ولا بدرجة حرارة الغرف لازم سايحة
- الاول على سرعة منخفضة بالعجان وبعدين على سرعة عالية مفيش عجان نستخدم ايدينت عادي
- ونعجنها كويس العجينة هتكون طرية شوية وتلزق معاكي سنة بسيطة متخافيش وماتزوديش دقيق تاني طالما لمت لانك لو زودتي هتحسي انها هتقلب على عجينة عيش وهيبقى السينابون ناشف ولو لسة ما لمتش زودي معلقة فقط دقيق اونسيبها تختمر في طبق مرشوش دقيق ومتغطية بستريتش عشان ما تنشفش لحد ما يتضاعف حجمها
- بعد مالعجينة تختمر هنفردها على سطح مرشوش دقيق عشان متلزقش وهنفردهاا حوالي ٤٥×٤٥ وبعدين ندهنها بالزبدة (دي هتكون بدرجة حرارة الغرفة) وبعدين نحط عليها خلطة الحشوة االلي عملناها فوق وسمكها تقريبا سم ونص
- عشان الحشوة ما تنزلش من العجينة هنمشي بالنشابة على الحشوة عشان تثبت على العجينةهنضغطها شوية بس براحه عشان العجينة متبقاش رقيقة عايزنها بنفس السمك
- بعدين هنلفها رول براحة ومنستعجلش ناخد وقتنا ونقطع القطعه الواحدة حوالي ٣ونص او ٤ونص سم وبعدين نحطها في صينية مدهونة زيت او زبدة ونسيبها تخمر تاني
- هنحطها في الفرن على درجة حرارة ١٨٠مئوية هنحطها مدة ٢٠إلي٢٥دقيقة ونطلعها
- نزينها بالطبقة البيضاء اللي هنعملها وممكن كمان نزود عليها صوص كراميل أوممكن نحط عليها صوص شوكولاتة أو نرش مكسرات كل حسب ما يحب
طريقة الطبقة البيضاء:
- هنحط كل المكونات بتاعتها على بعض ونضربها بالمضرب وممكن نحط عليها ملعقة لبن عشان تبقي سايلة شوية وبعدين نحطها على وش السينابون وهو سخن