مشروبات القهوة الباردة ب ٧ طرق مختلفة وصفة اية حبيب مكتوبة

7٬803 المشاهدات
 وصفة قهوة باردة ايه حبيب
طرق عمل القهوة الباردة

هنتعلم اليوم طريقة المشروبات القهوة الباردة اللي بنشربها في الكافيهات وبتعجبنا جدا

فشرب القهوة عشق لكثير من الناس سواء من الكبار أو من الشباب وهي من المشروبات التي لا يستغنى عنها محبيها.

هنستخدم في أعلب الأنواع قهوة سريعة التحضير فممكن نستخدم النسكافية او الاسبريسو (بتبقى أغمق شوية) حسب المتوفر عندنا

1- قهوة الدالجونا الباردة:

فهي تريند جامد جدا الفترة اللي فاتت هنعملها بمكونات بسيطة جدا

المكونات

  • كوب حليب
  • ٢ ملعقة سكر
  • ٢ ملعقة نسكافيه (قهوة سريعة الذوبان)
  • ٢ ملعقة ماء

الطريقة

  • نضع السكر والنسكافيه والماية ونضربهم بايدينا بس هتاخد وقت فممكن بمضرب كهربائي بس نستخدم مج من زجاج قوي يستحمل لحد لما نوصل للقوام المطلوب
  • هنحضر كوب من الحليب البارد ونضع فيه جزء من الرغوة ونقلب شوية براحة
  • وبعدين نحط بقيت الرغوة من فوق
  • السكر حسب الرغبة ممكن نزود سكر أو نكتفي بالسكر اللي في الرغوة

2- القهوة الفيتنامية (سبانش لاتيه):

أسرع واحد فيهم وهو القهوة الباردة على الطريقة الفيتنامية وموجودة في اغلب المطاعم اللبنانية

المكونات

  • كوب حليب
  • ملعقة كبيرة من الحليب المحلى المكثف أو معلقتين حسب الرغبة
  • ملعقة نسكافيه (قهوة سريعة الذوبان)
  • نصف كوب مكعبات ثلج

الطريقة

  • نضيف على كوب الحليب معلقة او معلقتين من الحليب المكثف ونقلبهم كويس
  • نضع التلج في الكوب سواء كان تلج فقط اوتلج مصنوع من الماء والنسكافيه او الماء والكاكاو
  • ندوب معلقة النسكافيه في شوية ماية صغيرين ونضيفهم على اللبن
  • القهوة دي بعد شوية بتفصل لتلات طبقات وبيبقي شكلها فظييع

3- قهوة الموكا المثلجة:

دي قهوة للناس اللي بتحب الشيكولاتة فالأيس موكا مزيج من القهوة والشيكولاتة وهي ممكن تستخدم اكتر للتحليه عن استخدامها كمشروب

المكونات

  • كوب حليب
  • نصف كوب مكعبات ثلج
  • ملعقة صغيرة نسكافيه (قهوة سريعة الذوبان)
  • ٢ ملعقة صغيرة كاكاو
  • صوص شوكولاتة + كريمة خفق للزينة (اختياري)

الطريقة

  • في الخلاط نضع الثلج مع كوب الحليب والنسكافية والكاكاو ونضربهم كويس
  • ممكن نضع قطع شيكولاتة شيبس اختياري
  • نضع في المج صوص شيكولاته على الجوانب للتزيين
  • نصب الخليط اللي عملناه في المج المزين
  • نزينها زي الكافيهات بكريمة الخفق وصوص الشيكولاته

4- قهوة الكراميل فرابتشينو:

المكونات

  • كوب حليب
  • نصف كوب مكعبات ثلج
  • ملعقة كبيرة نسكافيه
  • ٢ ملعقة صوص كراميل سكر حسب الرغبة
  • صوص كراميل + كريمة خفق للزينة (اختياري)

الطريقة

  • في الخلاط نضع الثلج مع كوب الحليب والنسكافية وصوص الكراميل ونضربهم كويس
  • ممكن نزود سكر حسب الرغبة
  • نضع في المج صوص الكراميل على الجوانب للتزيين
  • نصب الخليط اللي عملناه في المج المزين
  • نزينها زي الكافيهات بكريمة الخفق وصوص الكراميل

5- أبريه كافيه (Apres Cafe)

هو مزيج غريب شوية بس مفضل للناس اللي بتحب القرفة والسينابون

المكونات

  • كوب حليب
  • نصف كوب مكعبات ثلج
  • نصف عود قرفة او بودر حسب المتاح
  • ملعقة كاكاو خام
  • ملعقة نسكافيه أو الاسبريسو حسب المتاح
  • معلقة شوكولاتة غامقة مذابة في الميكرويف(اختياري)

الطريقة

  • في الخلاط نضع الثلج مع كوب الحليب والنسكافية والكاكاو الشيكولاتة المذابة ونضربهم كويس
  • نزود سكر حسب الرغبة
  • نصب الخليط اللي عملناه في المج المزين
  • نزينها زي الكافيهات بكريمة الخفق ورشة قرفة وعود قرفة

6- سموذي القهوة الصحية:

هي أكتر نوع صحي وخصوصا الصبح لما نكون عايزين نشرب قهوة بس باردة

المكونات

  • كوب حليب
  • ٢ ثمرة تمر وممكن ننقعها في ماية شوية عشان الخلاط
  • نصف كوب مكعبات ثلج
  • ملعقة نسكافيه
  • ملعقة كاكاو خام أو بروتين الشوكولاتة
  • شرائح موز مجمد

الطريقة

  • في الخلاط نضع الثلج مع كوب الحليب والنسكافية والكاكاأو بروتين الشكولاتة والتمر وشرائح الموز المجمد ونضربهم كويس
  • القوام بتاعه بيكون وهمي وجميل وفي نفس الوقت مسكر رغم عدم وجود سكر في الوصفة
  • نصب الخليط اللي عملناه في المج
  • نزينها زي الكافيهات بكريمة الخفق وصوص الشيكولاته

7- قهوة أيس كريم الفانيليا:

دا يعتبر حلويات اكتر من كونه مشروب وبنستخدم فيه ايس كريم الفانيليا ودا اللي بيديله قوامه

المكونات

  • كوب حليب
  • كوب أيس كريم
  • ملعقة نسكافيه
  • نصف كوب مكعبات ثلج

الطريقة

  • في الخلاط نضع الثلج مع كوب الحليب والنسكافية ولايس كريم ونخلطهم مع بعض
  • نصب الخليط اللي عملناه في المج قوامه تحفة وطعمه ولا اروع وبالهنا والشفا

osratyteam

فريق اسرتي جنتي هو فريق طبي متكامل له خبرات في المجال الطبي والبحث والترجمة ونتطلع دائماَ لكتابة كل جديد لك سيدتي