اية حبيب طريقة عمل البسبوسة بالسميد احلى من اشهر حلواني في البيت

10٬760 المشاهدات
البسبوسة بالسميد هتعمليها احسن من الحلواني
طريقة تحضير البسبوسة بالسميد

طريقة عمل البسبوسة بالسميد

البسبوسة من أشهر الحلويات الشرقية المنتشرة في معظم البلاد العربية، ومقاديرها بسيطة جدا ومتوفرة في كل مكان ومع ذلك لاتزال بعض الامهات لا تتقن عمل البسبوسة، طريقة عمل البسبوسة بالسميد للشيف اية حبيب من اسهل وانجح الوصفات للبسبوسة وهتعرفي تعملي احلى بسبوسة بالسميد احسن من اشهر حلواني
مدة الإعداد 30 دقائق
مدة الطبخ 20 دقائق
الوقت الكلي 50 دقائق
وجبة حلويات
مطبخ المصري
الحصص 8 اشخاص
الكالوري 599 كيلو كالوري

المقادير
  

  • المقادير مناسبة لصينية مقاس ٢٥

مقادير البسبوسة

  • كوبين و ربع ٣٧٥ جرام سميد متوسط
  • نصف كوب ١١٥ جرام سمن
  • نصف كوب ١١٥ مل حليب دافي
  • كوب إلا ربع ١٥٠ جرام سكر
  • ملعقتين كبار ٤٠ جرام عسل نحل أو عسل جلوكوز
  • معلقتين جوز هند مبشور اختياري

مقادير الشيرة/ الشربات/ السيرب:

  • كوب سكر
  • كوب ونصف ماء
  • نصف ملعقة كبيرة زبدة و أي نكهة تفضلوها ليمون، ڤانيلا أو زعفران

الخطوات
 

  • طريقة عمل البسبوسة
  • اولاً هخلط اللبن الدافي مع معلقتين العسل مع السكر في وعاء واقلب براحة مش عايزة ادخل فقاقيع هوا
  • في وعاء تاني هخلط السمنة والسميد ومعاهم جوز الهند واخلطهم مع بعض كويس براحتي وبعدين اضيف مكونات الوعاء الاول عليهم وهنا بقى التريكة الأولى اني مخلطش كتييير يا دوبك اول لما تبقى متجانسة اوقف عشان ما تتطلعش مكتومة
  • هندهن الصينية مقاس 25 سمنة واحط الخليط فيها واخبط الصينية عشان اطلع الهواء منها وتبقى كلها في نفس المستوى
  • ملحوظة هامة التكة الاولى همسح ايدي بالسمنه وادهن الوش على خفيف خالص بيها عشان تطلع البسبوسة حلوة كلها لون موحد ومتساوية كويس
  • التكة التانية اسيبها ترتاح 10 دقايق ولو المطبخ دافي احطها في الثلاجة عشان كل المكونات تتجانس مع بعضها
  • وبعد كدا هدخلها الفرن على 200 مئوية لمدة 25 دقيقة
  • نجهز السيرب هنحط السكر والماية على النار ولما تغلي هحط الزبدة وأهدي عليها النار عشر دقايق
  • اول لما تطلع البسبوسة هسقيها بالشربات على طول واغطيها عشان ما تنشفش مني
  • وكمان ياريت نستنى نص ساعة قبل لما نقطعها عشان تطلع قطع ونرش على الوش شوية فسدق ومعلقة قشطة وبالهنا والشفا

ملاحظات

ملحوظة: لما نسقي البسبوسة الشربات يكون دافئ والبسبوسة ساخنة جداً وان السمنة نوعها يكون حلو لانها اساس البسبوسة فهختار زبدة انا واثقة فيها واسيحها كويس لغاية لما كل الماية تطلع منها واسيبها تبرد واصيفيها واستخدمها في البسبوسة
Keyword وصفة

طريقة: البسبوسة بطريقة فاطمه ابو حاتي

osratyteam

فريق اسرتي جنتي هو فريق طبي متكامل له خبرات في المجال الطبي والبحث والترجمة ونتطلع دائماَ لكتابة كل جديد لك سيدتي