7٬207 المشاهدات
السابلية من ألذ البسكويات التي تقدم بالعيد، خصوصاً عيد الفطر، ومكوناته بسيطة
بسكوت السابلية اية حبيب
السابليةمن ألذ البسكويات التي تقدم بالعيد، خصوصاً عيد الفطر، ومكوناته بسيطة
المقادير
- 3 كوب ٣٦٠ جرام دقيق
- ملعقة كبيرة نشا
- كوب وربع سكر بودرة ١٤٠ جرام
- نصف كوب ٥٠ جرام لوز مطحون ناعم (ممكن نستبدله بالدقيق العادي)
- كوب الا ربع ١٨٠ جرام زبدة
- بيضة
- رشة ملح
- ملعقة صغيرة ڤانيليا
- لنكهة القهوة ملعقة صغيرة ممسوحة قهوة سريعة الذوبان نسكافيه
- لنكهة الشوكولاتة: ملعقة ملعقة كبيرة كاكاو خام
- الحشوات حسب الذوق: مربى أو شوكولاتة أو كراميل
الخطوات
ملاحظات هامة
- الالتزام بالكمية بالجرام ويفضل استخدام ميزان المطبخ او الكوبايات المعيارية للحصول على أفضل نتيجة
- اللوز المبشور هو اللي بيفرق في طعم السابلية ولازم يكون مطحون ناعم جدا من غير تكتلات
- يفضل استخدام السكر البودر الجاهز بيكون ناعم اكتر ومضاف عليه نشا بيكون افضل لكن ممكن نطحن السكر العادي في البيت
- الزبدة لابد ان تكون بدرجة حرارة الغرفة
طريقة عمل السابلية بسكوت العيد
- يتم نخل السكر اولا لنتأكد من عدم وجود أي تكتلات ونضيف عليه الزبدة ونخلطهم مع بعض كويس جدا مع بعض سواء بالميكسر او بالمضرب او باليد لغاية لما يكون متجانسين تماما مع بعض
- نضيف الفانيليا و البيضة على السكر و الزبدة ونكمل خلط لغاية لما الخليط يزيد ويصبح هش
- نضع رشة الملح على الدقيق وننخل الدقيق جيدا ثم نضيف الدقيق على الخليط بالتدريج ثم نضيف دقيق اللوز وفي حالة عدم استخدامه نبدل نفس الكمية بدقيق عادي
- العجينة بتكون مفرولة شوية لكن لما بنمسك جزء منها في ايدينا بتتلم هي كدا تمام منخلطش كتير عشان مش تكون جلوتين فتبوظ وتنشف مننا
- هانقسم العجينة لثلاثة اقسام تلت سادة بالفانيليا وتلت هنضيف عليه معلقة ممسوحة كاكاو نوع كويس والتلت التالت هنضيف عليه قهوة سريعة الذوبان في المرحلة دي ممكن تحسي ان العجينة بقت طرية شوية متخافيش
- هنغطي العجينة بالاستريتش كويس جدا عشان ما تنشفش مننا ونحطها في الثلاجة تاني هتتماسك نتركها نص ساعة او اكتر براحتك ممكن لغاية ليلة كاملة لو حابة تقسمي الخبز على يومين
- نضع العجينة بين ورقتين زبدة ونفردها رفيع كل لما كانت رفيعة هتكون احسن وتاكون دايبة اكتر وبعدين نحطها على بورد او صينية تقديم وندخلها الفريزر عشر دقايق قبل التقطيع عشان نعرف نقطعها كويس من غير ما تبوظ ونعرف نشيلها من غير ما تتقطع مننا ممكن في الوقت دا نفرد العجينتين التانيين
- نحضر العجينة من الفريزر ونبدأ في تشكيلهانص الاشكال نسيبها والنص التاني من الشكل بنخرمه بالنص عشان يبان الحشوة من جوة ولو معندكيش حاجة تعملي بيها الخرم ممكن غطا زجاجةلو العجينة حسيتي انها بقت طرية وبتبوظ لما تيجي تنقليها رجعيها الفريزر 4 دقايق وكملى تقطيع
- العجينة لو حسيتي انها بقت سايحة بعد التقطيع حطيها في الثلاجة خمس دقايق قبل لما تحطيها في الفرن
- نسخن الفرن لدرجة حرارة 160 فرن هادي على الرف اللي في الوسط 13-14 دقيقة وممكن اول لما تاخد لون دهبي من تحت كدا تمام
- الحشو بقى زي ما تحبي شيكولاتة بني شيكولاتة بيضا كراميل او مربيندفي الشيكولاتة ونحط معلقة صغيرة منها على السابلية ونخبط بسيط جدا هتفرد على البسكوتة ونخطيها بالجزء السابلية اللي مخرومة
- في النهاية نحط شوية شيكولاتة بيضا في كيس حلواني ونزين بيه السابلية الابيض والسابلية اللي بطعم الشيكولاتة نزيينه بالشيكولاتة البيضا وبالهنا والشفا
طريقة عمل: طريقة عمل كحك العيد الناعم -اية حبيب