8٬703 المشاهدات
كحك العيد الناعم
طريقة عمل الكحك زي اشطر حلواني والطعم خطير دايب دوووب
المقادير
- المقادير:
- ٣٠٠ جرام كوب وثلث سمن بارد
- ٣ ملعقة كبيرة ٢٥ جرام سكر بودرة
- نصف كيلو ٤ أكواب دقيق
- معلقتين كبار سمسم
- ملعقة ونصف صغيرة ٦ جرام بيكنج باودر
- ملعقة ونصف صغيرة ٥ جرام خميرة فورية
- ثلث كوب ٩٠ مل حليب
- رشة ملح
- ملعقة صغيرة توابل كحك
مقادير العجمية:
- ملعقة كبيرة سمنة
- ٢ ملعقة كبيرة دقيق
- ملعقة ونصف كبيرة سمسم محمص
- كوب عسل نحل
- ريحة الكحك مزيج توابل مكون من قرفة + جوزة الطيب + قرنفل + محلب مطحون + حبهان + كبابة صيني + سمسم محمص
الخطوات
طريقة حشوة العجمية
- نضع السمنة مع الدقيق على النار لما نشم ريحة الدقيق نضع السمسم ونسيبه يتحمص وبعد كدا نضيف كل العسل ونقلب لحد لما يغلي ونكمل تقليب حتى يتماسك نوعا ما لمدة دقيقتين تقريبا مانزودش كتيير عشان ممكن ينشف جامد ومش هنعرف نشكلهلما يبرد نتركه حتى يبرد ونشكله عاى هيئة كور
طريقة حشوة الملبن
- نضع معلقة سمن على الملبن ونحاول نعجنة باليد لغاية لما يصبح طري وممكن نزود سمسم لو حابين او مكسراتاو اي حاجة احنا حبينا
سر الكحك الناعم
- اللي بيحكم في دوبان الكحك من عدمه هو نسبة الدقيق الى السمن اذا كنتِ ترغبين في عمل كحك ماسك نفسة تكون نسبة السمن الى الدقيق النصف تقريبا بمعني كيلو دقيق عليهم نص كيلو سمن لو حابة الكحك يكون دايب يبقى كل كيلو دقيق 600 جرام من السمن ولازم سمن وليس زبدة وتكون السمنة ماسكة نفسها يعنى نحطها شوية في الثلاجة قبل الاستخدام بحيث تكون متماسكة وليست سائلة لو حابة اضافة الزبدة ممكن نضع 500 جرام سمن عليهم 100 جرام زبدة
طريقة عمل الكحك
- نضيف رشة ملح على الدقيق ثم نضيف السمسم وريحة الكحك والبكينج بودر ونقلب كويس جدا كل المكونات مع بعضها
- نضع الخميرة مع اللبن الدافي ونقلب ونتركهم على جنب
- نضع السمن مع السكر البودر ونخلطهم كويس جدا مع بعض ولازم السمن تكون جامدة وطالعة من التلاجة ونضرب سواء بالميكسر او بالمضرب او باليد لغاية لما اللون يفتح وتكون كريمي ودا اللي هيخلى الكحك دايب وكمان هتحسي كانه معمول من الزبدة وليس السمنة بسبب الخطوة دي
- هنضيف المكونات الجافة اللي هي الدقيق مع البيكينج بودر والسمسم ونخلط كويس جدا سواء بالعجان او باليد وخلي الخطوة دي تاخد وقتها كل ما الدقيق يتغلف كويس بالسمن كل ما كاان الكحك انجح فلا تستعجلي في الخطوة دي ابدا
- او لما اتاكد انه كله اتخلط اضيف الخميرة مع اللبن ومعجنش كتير يا دوب الم العجين بس لو هعمل كمية كبيرة استخدم الماية بدل الحليب عشان يعيش الكحك كويس ومش يبوظ
- اسيبه يخمر عشر دقايق واخد قطهة صغيرة واعملها كورة واضغط عليها بين ايدي لو ماشققتش يبقى كدا العجينة تمام لو شققت دا كدا استعجلتي في بس الدقيق مع السمن او كمية الدقيق كانت كتير على السمن
- ناخد قطعة مقدار 30جرام ونعملها كورة ونصنع في وسطها فجوة نضع فيها الحشوة ونقفلها كويس
- ونعمل شكل على سطح الكحك بالشوكة او نشكله باي طريقة تعجبنا
- نضع الكحك في فرن 160 في الرف اللي في النص لحد لما يتحمر من تحت لو الفرن شغال الشواية مع الفرن لو بيشتغل كل واحد لوحده نحطه في الرف السفلى لغاية لما ياخد لون دهبي من تحت وبعدين نشغل الشواية بس ياخد لون ما نزودش عشان لو زودنا هينشف
- نسيبه يهدى وبعدين ننقله من الصاج ونرش عليه السكر وبالهنا والشفا وكل سنة وانتم طيبين
طريقة عمل: السابلية اية حبيب أجمل تشكيلة بسكوت للعيد بنكهات مختلفة! وسر طعم بسكوت السابليه الأصلي
