• اي حد بيحب البيتزا لازم يجرب الوصفه دي بيتزا ستافت كراست اللي هي بيتزا محشية الأطراف يعني جبنة من برة و جوه وعجينة طرية

طريقة عجينه البيتزا

• بسيطة جدا دقيق وملح خميرة وسكر وماية وهنضيف كمان زيت زتون وشوية ثوم باودر هيدي طعم حلو جدا
• اول خطوه نعملها ان اخذ الخميره والسكر معلقتين صغيرين ممسوحيين من كل واحده انزلهم على كوبايه ماية دافية وممكن نزود معلقه كبيره زيت الزيتون بس علشان يدي كده طعم احلى وكمان بيدي طراوة للعجينة
• دي كده المواد السائله هنركنها على جنب عشان نتاكد الخميره شغاله
• وهنجي بقى للدقيق كوبايتين ونصف عليهم معلقه صغيره ملح دقيق متعدد الاستعمالات او الدقيق اللي هو مخصص للخبز وهنضيف كمان نص معلقه صغيره من الثوم البودر بيدي ريحة حلوة للعجينة
• هنخلط المواد الجافه كده كويس مع بعض ونضيف السوايل عليها تدريجيا ونلم العجينه على بعض وبعد كده نعجنها كويس لحد لما يبقى السطح بتاعها املس
• اعجينيها بايدكد هتاخذ تقريبا من ثمانيه الي عشره دقائق لحد ماتوصل للقوام الناعم نمسحها بزيت زتون ونغطي العجينه كلها عشان ما تنشفش وعشان تخمر للضعف هتاخد ساعة او ساعة ونص حسب الجو عندك

طريقة عمل صلصة البيتزا

• ا اول حاجه هناخذ حله نحط فيها فص او فصين صغيرين من الثوم مفرومين لو عايزه تحط بصل مفروم ناعم كويس او شوية بودرة بصل لما الثوم يكون ذهبي هنزود الطماطم انا بحب استخدم الطماطم المعلبه لان جودتها عندي هنا احسن من الفريش لو عندك الفريش حلو ةو لونها احمر كده اضربها في الخلاط واستخدميها
• نجهز التوابل (ملح فلفل اسود بودرة البصل بابريكا شويه الاسود صغيرين)
• نزودها في الحلة ونغطيها ونسيبها كده على نار متوسطه حوالي من 10 الى 15 دقيقه لحد ما يبقى شكلها كده تقل شويه وبقت مركزه والطماطم كمان بقت طرية نخلطها بالهاند بلندر عشان تكون ناعمة اكتر
• مش عايزين الصلصة تكون سايلة قوي ولا ثقيله قوي ومتسبكة كانها معجون طماطم القوام يكون متوسط ده هو اللي احنا عايزينه هو يبقى انسىب حاجه للبيتزا دي

الاضافات في البيتزا

• ممكن نستخدم صوابع مواتزاريلا او موتزاريلا مع شيدر ولو ده او ده مش موجودين استخدام الجبنه المبشوره عادي نجمعها كده في الاطراف ونقفل عليها
• هنبشر بقي الجبنه اللي هنحطها في النصف اللي هي بتكون بتتبشر مش السايلة
• ده شكل العجينه بعد ما خمرت وبقت الضعف اخذها بقى ونقسمها يا اما اعمل اثنين كبار او ثلاثة صغيرين
• هنرش شويه دقيق البسبوسة على الرخامة او على ورقة الخبز او صينية المونيوم
• نفردها اكبر من الحجم اللي عايزينة عشان هنحشي الاطراف ونحط الجبنة ونقفل عليها ونضغط كويس عشان ما تسحيش وتخرج في النص
• اضغط الاطراف كلها كةيس جدا ونخليها لازق جامد وبعدين هناخذ الصلصه الصلصه بتكون بردت شويه ونفردها على الجزء اللي في النصف بس وبعد كده هنزود شويه من الجبنه المتبله اللي احنا بشرناها في الاول احط الجبنه على البيتزا على قد ما نقدر كل لما بتكون أكتر بيكون طعمها حلو الحقيقه
• وبعدين نحط الاضافات فوق اللي احنا عايزينها لحوم اي خضار زيتون انا عملتها النهارده بيبروني كلاسيك بعد ما رسيت البيبروني ورشيت رشة زعتر على الوش هاخدها وادخلها الفرن
• تسخن الفرن كويس وهحط عليها البيتزا درجة الحرارة اعلى درجة حرارة تكون عندك في الفرن 220 لمدة 4 دقايق هنعرف انها استوت لما بتحمر من الاطراف
• نجيب معلقة زبدة سايحة عليها فص توم مفروم ناعم وملح وزعتر وادهن بيها الاطراف دا بيخلي الطعم والريحة رهيب اللي مش عايز زبدة ممكن يستخدم زيت زتون
• الوصفة دي العجينة طرية جدا وفي نفس الوقت فيها قرمشة حلوة ولون احلى زي بتاعت المطاعم بالظبط وبالهنا والشفا