كفتة البانية هي طريقة جديدة باللحمة المفرومة

مقادير كفتة البانية:

• كيلو لحمة مفرومة ناعم وشين 
• نصف كوب ارز مسلوق 
• بصلة مفرومة 
• 2 ملعقة كبيرة بقدونس مقطعة صغير 
• ملح 
• فلفل 
• ملعقة صغيرة سكر 
• رشة جوزة الطيب (اختياري ) 

للتغطية:

• بقسماط 
• 2 ملعقة كبيرة نشا 
• 2 بيضة 
• 2 ملعقة كبيرة لبن 
• ملح 
• فلفل أسود 

طريقة كفتة البانية:

1. أنزل اللحمة في بولة وأضيف عليها الرز ممكن مسلوق أو طبخاه وبايت عندك ونحط البقدونس والملح والفلفل وجوزة الطيب والسكر.
2. أعجن المكونات دي مدة 5 دقائق كل ما عجنتها أكتر كل ما كانت نتيجة أفضل والتماسك أكتر.
3. أسيب الخلطة في الثلاجة ترتاح لمدة ساعة.
4. بعدها أبتدي أشكلها وأرش على إيدي الدقيق عشان ما تلزقش في إيدي وأشكلها مبطط شوية عشان ما تخدش زيت كتير مني.
5. بعد ما شكلتها أضرب البيض واللبن والملح والفلفل وأخلط البقسماط بالنشا.
6. أبتدي أخد الكفتة على البيض وأغطيها بخلطة البقسماط وأدخلها الفريزر نص ساعة.
7. ابتدي أقليها في زيت سخن علي نار متوسطة.
8. وأنا بقليها تكون غطسانه في الزيت عشان تستوي كويس.
9. أول ما تأخد لون دهبي أطلعها على مناديل مطبخ وأقدمها.

طريقة: طريقة فراخ مشوية بالبيت زي الحاتي

ممكن تقديميها مع سلطة الزبادي بالخيار

سلطة الزبادي بالخيار

المكونات

• 2 علبة زبادي.
• 3 حبّات خيار.
• ملعقة مايونيز.
• ملعقة صغيرة زيت زيتون.
• فص ثوم مفروم.
• عصير ليمونة.
• ملح وفلفل.

طريقة التحضير

1. قومي بغسل الخيار جيداً ثم تقطيعه إلى قطع صغيرة أو فرمه بعد إزالة القشر “يمكن عمل سلطة الزبادي بالخيار القطع أو الخيار المهروس”.
2. قومي بمزج الزبادي مع المايونيز وزيت الزيتون والليمون والملح والفلفل.
3. أضيفي الثوم المفروم إلى المزيج السابق، ثم أضيفي الخيار.
4. قومي بتقليب سلطة الزبادي بالخيار جيداً ثم ضعيها في الثلّاجة لمدة نصف ساعة قبل تقديمها حتى تصبح باردة.